جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

ابنة عمرو محمد علي ترد على هجوم والدها

الثلاثاء 24 يناير 2023 | 03:47 مساءً
سارة إبراهيم
1455
عمرو محمد علي وابنته

وجهت ابنة الفنان عمرو محمد علي رسالة له بعد ظهوره في برنامج "واحد من الناس" وحديثه عنها ووصفها أنها "ابنة جاحدة".

وظهرت شهد عمرو محمد علي في فيديو على حسابها بموقع "الفيس بوك"، دافعت خلاله عن نفسها وعن والدتها بعد ما قاله والدها.

وقالت شهد: "مكنش نفسي اتحط في موقف زي دا بقالي كتير ساكته وكتير طلبت من مامتي منتكلمش في الموضوع لأنها حياتي الشخصية ومش عاوزة حد يعرف عنها حاجة ولكن الموضوع زاد، أعرفكم بنفسي أنا شهد عمرو محمد علي بنت الفنان عمرو محمد علي، معظم الناس هتتفاجئ باسم شهد لأنه بالنسبالي هو اسم في البطاقة كل اللي يعرفني عارفني باسم نور".

وأضافت: " أنا مش هتكلم عن أي حاجة مش هتكلم عن أنه قال عني إني جاحدة لأنه في الأول والآخر هو بابايا ومحبش أن أرد وهو يرد قدام الناس أنا بتمناله الشفاء، ولكن أنا طالعة اتكلم عن الناس اللي بتظلم والدتي".

وتابعت: "محدش يحكم على حد وهو ميعرفش القصة أنتوا بتسمعوا بس محدش عارف هي عملت إيه وإيه حصل ما بينهم أدى لانفصالهم، محدش عارف هي عملت إيه عشاني، أنا داخلة على 20 سنة وأمي هي اللي بتصرف عليا كل حاجة، الست دي عملت عشاني كتير ومستحملش أني اسمع عليها نص كلمة".

وأكملت: "محدش عارف الحكاية وحرام طول الوقت ألاقي مكتوب الست اللي سابت جوزها ومش أصيلة أنتوا بتسمعوا من طرف واحد ليه تحكموا، اللي عاوزة أقولوا أن كل اللي عارفنا عارف أن الست دي بطلة وعملت كل حاجة في الحياة عشان أبقى إنسانة متعلمة عارفة تتكلم دلوقتي وكله بفضلها هي بس كفاية تحكموا علينا".

واختتمت كلامها، بقولها: "ورسالة أخيرة لوالدي وأهل والدي أنا بدعيله بالشفاء هو أبويا مهما كان، ولأهلي أنا أسفة بس أنا مش مسامحة في أي كلمة باطل اتقالت في حق مامتي".