باسم سمرة: لم أندم على فيلم «أحاسيس».. والمنتجين اللي بتطلع شائعات وفاتي (فيديو)

قال الفنان باسم سمرة، تعليقا على الشائعات التي تستهدف حالته الصحية وتدعي وفاته بين الحين والآخر، إن: «اللي بيحب يطلع شائعات الوفاة هم المنتجين وبيحبوا يعملوا دعاية للأعمال، وأعتقد أن المنتجين بتعمل كده بطريقة ما وأنا رافضها تماما وترويج على حساب صحتي، وده تخمين مني».

وأضاف خلال لقائه ببرنامج «حبر سري»، تقديم الإعلامية أسما إبراهيم، المذاع عبر فضائية «القاهرة والناس»، انه غير نادم على المشاركة بفيلم «أحاسيس»، ذاكرا تفاصيل موافقته على الفيلم قائلا: «لم أندم على فيلم أحاسيس وأنا ممثل وبعمل شخصيات مختلفة والدور كان لصديقي أحمد عزمي وهو اللي هيعمل دوري مش أنا».

واختتم باسم سمرة: «وقت إمضاء أحمد عزمي لفيلم أحاسيس مراته قرأت ورق الفيلم وكان لسه متجوز ورفضت الدور غيرة منها فطلب مني أعمل الدور وأنا كمان مراتي بتغير عليا».